الشاب السوري بطل العالم بالتشاؤم

خليني احكي قصة الشاب السوري بنظري انا من يوم ولادته حتى مماته :
من يوم الولادة بيولد الطفل ويا عين امو عليه وهو مو عرفان شو رح يصير معو وبيكون عم يضحك ومبسوط. بيكبر شوي بيفوت على هالمدرسة وبيكون متل القطة المغمضة مو شايف شي.
طبعا وبعدين بفوت ع المدرسة ابتدائية ما بيلحق يقعد كم سنة وبوشو على المدرسة الاعدادية هونيك بقا الابداع بيبلش ينفتح على العالم الحقيقي وبيبلش يتعلم المسبات يلي على اصولا المعتئة غير اضطهاد الاساتذة للطلاب يلي ما بتاخد عندون دروس خصوصي المهم اذا كان محظوظ ونجح بالسنوات التلاتة بينتقل على المدرسة الثانوية هون بقا بيكون العصر الذهبي للصياعة عند الشاب السوري هاد طبعا غير الوقفة على ابواب مدارس البنات الصبح والضهر والتلطيش ( شو يا ضرب , يسلملي هالطول متل عرق الفول ) ويقبرني ربك شو قلبي حبك والمشاكل يلي بتصير معو بسبب البنات لانو فلان حكا مع البنت الفلانية يلي حاطط عينو عليها الشب الفلاني ويلي بدو يستعرض عضلاتو قدام البنات انو هو يلي مافي اقوى منوفي العالم المهم اذا كان محظوظ جدا جدا جدا بينجح بالبكلوريا من اول سنة اذا ما عاد شي سنتين وهون بصير عندو طريقين والطرقين اضرب من بعضون يا اما بيروح على الجيش وهو بريعان شبابو وبيضيع من عمرو سنتين وسنة على الاقل لإعادة تأهيله نفسيا لانو بكون قد دمرمعنويا ونفسيا وعاطفيا او انو يفوت على الجامعة وهاد كمان مافي منو فايدة لانو الجامعات عنا صايرة للمسخرة وتطبيق البنات وبس لك صايرين الشباب والبنات يلي من برات الجامعة وعم يجو على الجامعة اكتر من يلي بجواتها وفي عندك خيار تالت بعد الجامعة انك اتسافر متل ما عملت حضرتي انا هون بقا يامعلم شو بتقول لحالك انو فرجت ورح صيرا قطف مصاري من على الشجر والعب بالمصاري لعب . عيارك 3 شهور وبتنصدم بالواقع وبتصير تعرف انو المصاري بالغربة ما بتجي بالساهل و هاد كلو ولسا ما حكيت عن القانون تبع ال250000 ليرة يلي لازم الواحد يدفعون بدل الجيش وبعد 5 سنين حصرا شو الغاية من هالقانون لهلأ ماكنت افهم هدول يعني 5000 دولار شو المصاري عم تنزل مع المطر؟ وبعدين بتبلش رحلة المليون وبصير الشاب السوري بطل العالم بالقفز فوق الزانة وببلش مرحلة البحث على منزل منشان الزواج وهون بقا تعا ابكي يا معلم شوف شو بصير وتعليقات اهلك واصدقائك عليك يعني معقول بعد 6.5 سنين غربة ما بتقدر تشتري فيلا بسوريا ومعقول ما قادر تفتحلك شي مصنع او على الاقل تشتري شي محل ( بصيروا يتمسخروا عليك و ع غربتك )
بقا يا معلم شو يساوي الشب السوري بحالو كيف ممكن يعيش حياة طبيعية متل كل باقي دول العالم ؟؟؟؟؟؟(منقوول)


مع محبتي .. مراد

والله مظبوط حكيك يا معلم
بس نسيت شغلة وهي الديون اللي بكون تاركا الواحد وراه قبل ما يسافر
وبدو شي سنتين تلاتة حتى يوفيها....
على كلٍ هالمقال حلو ويسلمو

Regards,
M.ALjerf