أمجد ونوس أبو ميمار ذهبي
عدد الرسائل : 39 العمر : 47 Localisation : الفوز لا يعني دائما أنك الأول, ولكنه يعني أنك أفضل من قبل تاريخ التسجيل : 19/09/2010
| موضوع: مــعــتــقـدات بـتجـلط 9/11/2010, 4:52 am | |
| * اذا انكسرت كاسة بيقولوا: انكسر الشر (تقولوا الشر مخلوق من الزجاج * اذا مر حدا فوق الطفل ما بقا بيطول * قص الاظافر بالليل مو منيح * رش المي فراق (ما بصير حدا يرش رفيقو بالمي
لان بعدين بيتفرقوا اي شو عم يرشه بالزيت كاز)
[b]* للي بيفوت على بيت جديد بيفوت معه عرق اخضر و
مقص و مصحف و يدخل بالرجل اليمين
(واللي بيعمل غير هيك بيتحول لسعدان !!) * اذا اجت الكندرة فوق الكندرة يعني رايحين مشوار
(واذا اجت تحتها يعني راجعين من المشوار ؟؟!!) اذا زحف الولد او زقزقت العصافير معناها جاينا ضيوف
[b] (وبهيك حالة لازم توقفوا ورى الباب لانهم بكونوا طالعين عالدرج)
[b]*اذا طنت ادنك اليمين حدا عم يحكي عنا بالمنيح و
اذا طنت اليسار معناها حدا عم يجيب سيرتنا بالعاطل
(واذا طنوا مع بعض معناتها طرشنا عليك العوض)
[b]* اذا رفت عيني اليمين بيكون جاينا خبر طريف *اذا رفت عيني الشمال بيكون جاينا خبر مو منيح
(اما اذا رفوا سوى فأكيد حول) اذا حكني حاجبي معناها بدنا نستقبل حدا جاي من السفر *إذا حكني كفي اليسار معناها بدي أقبض مصاري *و إذا حكني كفي اليمين معناها بدي أدفع مصاري اما اذا حك شي تاني بقى فاكيد هاد جرب * و ما بصير الحمام بالليل (طبعا شي بديهي لأن اكيد المي بتكون مقطوعة)
[b]*وإذا عمل العصفور تحتو على التياب يعني جاييكون رزقة *و دلق القهوة رزقة وكمان نفس الحكي خليها مدلوقة لا تمسحها *و شرب المي بعد القهوة قلة زوء (حتى لو اتشردقت موت ولا تشرب مي ) * و كمان إذا حدا صبلك شاي او قهوة وملى الفنجان كتير
بكون قلبوه مليان منك واذا صبها ناقصة هدا دليل على انو هالشخص ناقص *والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي
| |
|
لجنة الإعلام Admin
عدد الرسائل : 2412 العمر : 47 تاريخ التسجيل : 22/05/2007
| موضوع: رد: مــعــتــقـدات بـتجـلط 13/11/2010, 11:27 am | |
| وين مخبا كل هادا استاذ أمجد جود علينا والله بها الأيام بدنا شي يروح عن نفسنا ومافي غير معتقدلتنا اللي بتفطس من الضحك | |
|
هزيم الدبيات ذهبي
عدد الرسائل : 200 تاريخ التسجيل : 20/09/2007
| موضوع: رد: مــعــتــقـدات بـتجـلط 16/11/2010, 11:05 pm | |
| صباح الخير أخ أمجد طالما الشر موجود بالزجاج معناتا لازم نستخدم البلاستيك وما نخلي الشر بالبيت بعدين إذا مر الواحد فوق الطفل بالطول أم بالعرض لأنو الموضوع مهم لأنو بالطول ما بيطول وبالعرض ما بيسمن (وياريت مر شي حدا فوقي وأنا صغير بالعرض ما كنت سمنت كتير) أكيد قص الأظافر بالليل مو مليح لأنو كيف بدك تخرمش مرتك وأكيد رش المي فراق لأنو المي غالي هالايام وإذا راح على اللعب والمزاح بيسبب مشاكل لازم يفوت الواحد على البيت ويكون معو عرق أخضر (أي بقدونس ونعنع وبصل أخضر) مشان يعملوا تبولة بمناسبة البيت ..... الخ رجاء ما تكون قاسي على المعتقدات ودمتم سالمين | |
|