كاستك منقوعة ومتتك
من صباح الرب مشرّعا عم تلدعك
ابريق مو معبا خمر ,مدمن عا مي غلياني
مشحر يا هادا من الضجر
ماتعرف نهار ومضى
من ليل عم يعوي سكونو
مخربط بهي الدني
عاطعم هيل
وتضيف فوقو شيح مر.. وفوقو حنظل من مرار
مشلوط لسان وحلق
عا حديجة سعادة ونسمات مع طق الحنك
بزر ميال
فصفص متل حسون والقنبز معو مسجون
والريش البيطيرو حتى السحاب
ما عاد يلزمو
عا كتف احلامو
الليل ليّل ضبوا عدة المتة
واربطو خيل الزمن
عا سكة مخدة.. وتوسدوا احلام المارجع
منها فقير
وعند مابلل تيابو
حلم انو عا شط وبحر دافي
عا شمس ورمل غافي
واموعم تنكشو مشدوها ولك فيق
زلومت الابريق
ساحت
وفرشتك
معروفي للجيران
شرشحتنا يا ثقل راسي
19/5/2011, 3:51 am
