| شوية ذكريات | |
|
+4العاشقة فادي النظامي لجنة الإعلام أمجد ونوس أبو ميمار 8 مشترك |
كاتب الموضوع | رسالة |
---|
أمجد ونوس أبو ميمار ذهبي
عدد الرسائل : 39 العمر : 47 Localisation : الفوز لا يعني دائما أنك الأول, ولكنه يعني أنك أفضل من قبل تاريخ التسجيل : 19/09/2010
| موضوع: شوية ذكريات 20/9/2010, 4:24 am | |
| .بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع. بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر.. بتتذكروا.. يوم الجمعة ... نقوم من الصبح مشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب . بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا... يقول لك: مو رصيفكن هادا رصيف الحكومة كلام منطقي, ويتم يمرق قدام البيت ويقول لك مادخلك. .بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله .بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن | |
|
| |
لجنة الإعلام Admin
عدد الرسائل : 2412 العمر : 47 تاريخ التسجيل : 22/05/2007
| موضوع: رد: شوية ذكريات 20/9/2010, 6:11 am | |
| اي شو هالذكريات يا أستاذ أمجد كأنك عندنا بالبيت وكأنك من حارتنا رجعتنا 45 سنة الى الوراء يوم كان عمري 8-7 سنوات شكرا لهذه الذكريات بالرغم من كل مافيها من الم ولكنها ولله جميلة | |
|
| |
فادي النظامي Admin
عدد الرسائل : 1114 العمر : 47 تاريخ التسجيل : 25/12/2008
| موضوع: رد: شوية ذكريات 20/9/2010, 11:20 am | |
| آه يا أمجد..بالفعل ما تذكرته أصابني بالذهول شريط من أيام الطفولة الجميلة مر سريعاً أمام عيني..أشكرك على هذه "النفضة "التي هزت فينا مشاعر لم نختبرها منذ زمن.
| |
|
| |
العاشقة ذهبي
عدد الرسائل : 48 تاريخ التسجيل : 29/08/2010
| موضوع: رد: شوية ذكريات 6/10/2010, 4:56 am | |
| ليك يا أخ أمجد صدقني انو هالذكريات بالرغم من بؤسها فهيي أحلى بكتير من هالأيام مع العلم هلق أنا مافيي عيش ولا لحظة بهداكي الزمان لأنو تعودنا عتعتير هالزمان | |
|
| |
أمجد ونوس أبو ميمار ذهبي
عدد الرسائل : 39 العمر : 47 Localisation : الفوز لا يعني دائما أنك الأول, ولكنه يعني أنك أفضل من قبل تاريخ التسجيل : 19/09/2010
| موضوع: رد: شوية ذكريات 7/10/2010, 12:15 am | |
| عاشقة . لو أنو حياتنا كلها سعادة أكيد ما رح تنطاق أبداً و كذلك لو أنو كلها تعاسة , يعني الدنيا ميزان و كل فترة بترجح كفة على الأخرى حتى تصير حياة البني آدم معتدلة , يعني كل زمان و إلو مساوئ و إلو محاسن بس الشاطر اللي بيقدر يوقف بوجه المنغصات و بيقدر يتجاهلها و لو شوي بس ... | |
|
| |
جلال ذهبي
عدد الرسائل : 29 تاريخ التسجيل : 20/11/2007
| موضوع: رد: شوية ذكريات 7/10/2010, 10:20 am | |
| آآآآآآآآآآخ يا أبو ميمار ذكرتني مع إني مانسيت يوم اللي زارنا فيه صديق للعيلة دمو كتير ....... وقللي تعا لأعملك ساعة حلوة ع أيدك ما بتنمحا ولهلق آثارا باقية من أكتر من أربعين سنة .
شكراً استاذ أمجد على هالذكريات التي تشبه القهوة المرة لا تطيب الآ إذا زادت مرورتها
جلال الشعار | |
|
| |
سلماس ذهبي
عدد الرسائل : 16 تاريخ التسجيل : 13/10/2010
| موضوع: رد: شوية ذكريات 16/10/2010, 7:11 am | |
| فعلا لفتة حلوة ولقطة مميزة يمكن رجعتنا زمان كتير بعيد انا من الناس اللي على طول بحنلو وكتير بشتاق لاسمع صوت موسكو على راديو الخشب اللي ما بعرف مين شفطو من بيتنا وكتير بشتاق انو شعل الصوبيا وقويها عالاخير وافتح الشباك وكتير بشتاق للوجوه الطيبة اللي كانت معي وكنا نعيش قلب واحد ولو مختلفين بالافكار السهرة على الباب والقعدة عالرصيف والبساطة بكل شي ولكل شي ومن كل شي بتنبع .. لك اشتقت لايام اللي كان عين الزرقا اجرد ونطلع نعمل شاي عالحطب وناكل شنكليش .. انا دوما بتذكر وبحس حالي كتير كبير لانو حجم الذكريات كتير كبير ومهما ضغطناها بتضل شي تريليون جيجا .. وم افي كومبيوتر بيساعها ... دبحتنا يا اخي امجد .. ولسا كتير وكتير يمكن ما بينحكى عنو مو لانو مو حلو لا ابدا بس هيك بيضل احلى .. تقبل تحيتي | |
|
| |
أمجد ونوس أبو ميمار ذهبي
عدد الرسائل : 39 العمر : 47 Localisation : الفوز لا يعني دائما أنك الأول, ولكنه يعني أنك أفضل من قبل تاريخ التسجيل : 19/09/2010
| موضوع: رد: شوية ذكريات 16/10/2010, 11:42 pm | |
| مشكورين جداً للتفاعل مع الموضوع | |
|
| |
تمام سلهب ذهبي
عدد الرسائل : 34 تاريخ التسجيل : 07/12/2010
| موضوع: رد: شوية ذكريات 10/12/2010, 1:51 pm | |
| مرحبا.........والله ذكرتنا باشياء زحمة هل الحياة خلتنا ننساها وصارت عبارة عن أحلام غير واضحة أنت بزوقك الحلو رجعتنا الا شكرا الك | |
|
| |
ندى ذهبي
عدد الرسائل : 55 تاريخ التسجيل : 31/01/2010
| موضوع: رد: شوية ذكريات 16/1/2011, 4:42 am | |
| بتتذكر ياتمام لما عمك محمد يرسم ساعة عايدك وعايد كل الأولاد الموجودين عند التيتي (الله يرحمها) ايام راحت | |
|
| |
| شوية ذكريات | |
|